Петрянь Андю (erzianj_jurnal) wrote,
Петрянь Андю
erzianj_jurnal

Category:

Орозбиёсо юты «Полань тердема» кой

Орозбиесо Ордатбуень Эрзянь-Мокшонь Масторсо таргонь 27 чисте ютавтови «Полань тердема» коесь. Кода пачтясь РИА «Инфо-РМ»-те Орозбиень Культурань кудонть прявтось Аксеновань Надежда, те покшчись ютавтови пингеде-пингес Кизень тердема чистенть.
«Те покшчисенть вастневить од мирдть-нить, конат теевсть мирденень лисевкс Кизень покшчистстенть Кизень покшчинть видс», - ёвтызеть Аксеновань Н.

Од аватьне, оршазь эрзянь оршамопельсэ ютыть велеванть эрзянь моро ды пеедекшема марто. Эрьва эриця кудостонть сынст вастасызь каванямосо: прякасо, сюкорсо, алсо. Аватьнень мельга пакшатьне кармить кандомо паця, конань ланкс кармить вачкамо максозь каванявкснень. Теде мейле веси молицятьне лоткить оймсеме лей чиресэ, кармить кодамо цецясто прясуреть, конатьнень мейле ёртнесызь ведьс.

«Те коесь – меельце вастома од тейтерь поранзо марто, кона эряви ютавтомонзо тейтеренть касомсто мирьдень авас», - теде пачтясь Аксеновань Надеждась.

Те Кизень тердема покшчисенть Орозбиёсо ютыть спортонь ды седямо ютавкст: карми морамо велень седямокужось «Валскень зоря»-т ды шабрань велень седямокужотьне.

Теде башка Орозбиёсо теить эрзянь раськень ярсамопельксень невтемат: прякат, поза, чапамо ловцо ды седе тов; эськедьсе кодамот ды викшнемат. Истяжо кармить невтезь лембе кемьтнэ Орозбиёнь теицятьнень, конатат ней теевсть содавикс лия масторга.

«Полань тердема» койсенть кармить шнамо мирдтьнень-нитьнень, кода одтнень, истяжо сехте сыретнень, (конатьненэ седе 90-це иеть), сехте ёроксивтнень ды кудоютконь тевень содыцятьнень.

сермадыцясь: © Петрянь Андю-2007, РИА «Инфо-РМ» кулянть коряс
Tags: Орозбие (Урусово), традиции, эрзякс сермадозь (написанное на эрз.), эрзянь кой (эрзянская традиция), эрзянь кулят (эрзянские новости)
Subscribe

Recent Posts from This Journal

  • Post a new comment

    Error

    default userpic

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 8 comments