Category: знаменитости

Category was added automatically. Read all entries about "знаменитости".

в рубахе - ч/б

Мекс Мишанинень Юриень путызь Россиянь Финно-угрань культурань куншкакудонть прявтокс?

Равчирень Финно-угрань раськень культурань куншкакудонть прявтось Мишанин Юриень путызь Россиянь Финно-угрань культурань куншкакудонть координаторонь Инекужонь прявтокс. Истямо мерема ульнесь вастневсь Россиянь Финно-угрань культурань куншкакудонть координаторонь Инекужонь пурнавксонть, кона ютась чадыковонь 24-це чисте Москов ошсо. Collapse )
в синем

Маньчема

Ёвтнема

Медьков. Коштсонть медьарвонь тансть. Чизэ азорокс кутмордызе лембе, эждий кедьсэнзэ валдос навазь пертьпельксэнть, эрзянь ёнксонть-масторонть. Чипаенть лангс а варштават, сельмть кери. Сон теке пициця тюжа пачалксе поводсь пря велькссэ, ванькс менеленть сэрей тёкшсо ды пси вечкемань толсонзо палсезь палси эрямоилыксэ пешксесэ Нороваванть-моданть, сень весементь, мезентень сон эсь лембесэнзэ казсь ине казне - Эрямо.Collapse )

© Эрюшонь Вежай, Севастополь-Полярной. 2000-2001 иеть.
в синем

Эрзянь-Мокшонь университетсенть юты Огарёвонь Николаень ледстнема чи


Огарев Николай Платонович (1813-1877 гг.)


«Огаревец» кужось карми ютавтомо пурнавкс Эрзянь-мокшонь университетсе, теде ёвтазевсть Н. П. Огаревонь МГУ куляпачтямонь комитетсенть. Васенце пурнавксонть мелезе – кепетсямондо эрзянь ды мокшонь раське оймеёжонть.

Кода ёвтнить теицятне, лецтямо Огаревонь Николаень леменде пурнавить тонавтыцятне, важодицятне ты тонавтницятне МГУ-нь. Пурнамо нупалесь карми мазылгавтозь раське тешксе, моргнень ланксо, конат кармить коцсо ацазь, инжетнене невсызь эрзянь ды мокшонь раське ярсамопельтне – чапамо ловцо, поза ды лия кавонямат.

«Огаревец» пурнавксонть юты морамо-седямось эрзя-мокшонь «Морденс» седямокуронть. Саран ошонь артоматонавтнима кудонь тонавтницатне невсызь весеменень содавикс пурнавксонть эрзянь ды мокшонь оршамотнень. «Огаревец» кужонть коенде коряс кармить ловномо валморот, седямот. Мордовиянь (Эрзя-мокшонь Мастор) коцтонь теицязо-арсицязо Андрей Алешкин карми седямо варгансо, истяжо сыцятне несызь сонде артовксонзо.

«Огаревец» кужоньте ней топодсь колмо иеть, сонензе совить содавикс наукань ды исскуставань (артомань-седямонь) ломать, тонавтницят изницят россиянь олимпиадань те лия ютавтомань. Эрьва ие Николаень Огаревонь чачома чистензе пурныцятне теить истят вастомат.

Огаревонь Николайде ловнодо кой-мезе тесе


© Петрянь Андю, сёрмадозь (написано ) те кулянть коряс (по данной новости)